ಸಂಚಿಕೆ - ೨೦

ಸೊಳ್ಳೆಲು ತುಳುನಾಡ್

ಈ ತುಳುನಾಡ್ ಪರಶುರಾಮನ ಸೃಷ್ಟಿ 

ಆ ಪೊರ್ಲುಗು ತಾಗಾಂದೆ ಇಪ್ಪಂದ್ ಏರನಲಾ ದೃಷ್ಟಿ 

ಪದಕುಲೆ ತಿಕ್ಕಂದ್ ವರ್ಣನೆ ಕೊರ್‍ಯರೆ  

ಮೋಕೆ ಉಂಡು ಈ ಭೂಮಿಡ್ ನೂದ್ ವರುಷ ಬದ್ಕ್ಯರೆ

ಮೂಲು ತುಳುವೆರೆನ ಬಾಸೆನೆ ಪೊರ್ಲು 

ಮೀನು ಪತ್ತುನ ಬಾರಿ ಮಲ್ಲ ಮರ್ಲ್ 

ಜನಕುಲು ಬದುಕುವೆರ್ ಜೀವನ ಒರಿಪಯೆರೆ 

ದೈವ-ದೇವೆರ್ ಕಾಪುವೆರ್ ಈ ನಾಡ್ ನೊರಿಪಾಯರೆ 

ವೈಕ್ಲಾ ಕಮ್ಮಿ ಇಜ್ಜೆರ್ ನಮ್ಮ ತುಳುವೆರ್ 

ಜನ್ಮತಾಳಿಯೆರ್ ಈ ನಾಡ್ ಕೋಟಿ ಚೆನ್ನಯೆರ್

 ತೂವರೆ ಪೊರ್ಲು ಮುಲ್ಪ ದೈವೋಲೆನ ಕೋಲ

ಯಕ್ಷಗಾನದ ಮೇಳ, ನಾಗಾಲೆನ ತಂಬಿಲ 

ತುಳುನಾಡ್ಡ ಜನಕುಲೆನ ಮನಸ್ ಮುಗ್ಧ 

ಕಪಟನೆ ತೆರಿಯಂದಿನ ಪಾಪದ ಜೀವಗೆ 

ಅಂಚ ಪಂಡ್ಸ್ ಮೋಸೊಗು ಜಾರಯೆರ್ 

ತಪ್ಪುನು ತೂದು ಮನಿಪಂದೆ ಕುಲ್ಲಯೆರ್ 

ಗೊತ್ತು ಉಂಡು ಎಂಕು ತುಳುನಾಡ್ಡ ಬಾಲೆ ಎನ್ನಿಯೆರೆ 

ಅಪ್ಪೆ ಬಾಸೆ ತುಳು ಪಂಡ್‌ದ್ ಪನಿಯರೆ ಖುಷಿ ಅಪುಂಡು 

ಸೊಲ್ಮೆ ಸಂದಾವೆ ತುಳುನಾಡ ಅಪ್ಪೆಗ್ 

ಅಂಚನೆ ಎನ್ನ ಪೆದಿಯಪ್ಪೆಗ್

ರಚನೆ : ತಳು ಭಾಷೆ, ಅನೂಪ್ ಕುಮಾರ್, ಎಂ.ಎ. ದ್ವಿತೀಯ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ