ಸಂಚಿಕೆ - ೧೯

ನಾನ್ಯಾಕ ಬಲಿಯಾದೆ?

ಯಾಕ ಹಂಗ ನೋಡುತ್ತಿ 

ನಾ ಯಾರಂತ ಕೇಳುತ್ತಿ 

ನಾ ಕೆರೆಗೆ ಹಾರಿದ ಭಾಗೀರಥಿ 

ಹಿಂಗ ನಾನ್ಯಾಕ ಬಲಿಯಾದೆ

ತವರಿಗೆ ಹೊತ್ತು ತಂದೀನಿ ನೋವ 

ಕರುಳಬಳ್ಳಿಯ ಅರಿಯದೆ ಹೋದಿ ಹಡೆದವ್ವ 

ಅಪ್ಪಯ್ಯ ನೋಡೋ ಹೊಂಟೈತಿ ಈ ಜೀವ 

ಹಿಂಗ ನಾನ್ಯಾಕ ಬಲಿಯಾದೆ

ದೊಡ್ಡಾಕಿ ಕೇಳಿಲ್ಲ ಈ ಸಣ್ಣಾಕಿ ಗೋಳ 

ಇಟ್ಟಾಂಗ ಇರ್ಬೇಕು ಅಂದ್ಯಲ್ಲಾ ನೀ ಗೆಳತಿ 

ಅತ್ತಿಯು ಅತ್ತಿಲ್ಲ, ಮಾವನೂ ಮಿಸುಕಿಲ್ಲ 

ಹಿಂಗ ನಾನ್ಯಾಕ ಬಲಿಯಾದೆ

ಅವತ್ತು ಅಂಜಿಕಿ ಎಷ್ಟಿತ್ತೋ ಮನದೊಳಗ 

ಗಂಡನ ನೆನೆಸಿ ಅತ್ತಿನಿ ಒಳಗೊಳಗ 

ನಾ ಕಟ್ಟಿದ ಕೆರೆಯಾಗ ನೀರಾದೆ 

ಹಿಂಗ ನಾನ್ಯಾಕ ಬಲಿಯಾದೆ

ಪರಶುರಾಮ್, ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ