ಹೆಣ್ಣು
ದೈವಿಕ ಶಕ್ತಿಯಿರುವವಳು ಎಂಬುವವರು ಒಮ್ಮೆ
ಸಬಲೆಯಲ್ಲ ಅಬಲೆ ಎಂಬುವವರು ಮತ್ತೊಮ್ಮೆ
ಅರ್ಧನಾರೀಶ್ವರಿ ಎಂದು ಪೂಜಿಸುವರು ಒಮ್ಮೆ
ಸಮಾನತೆಯನ್ನು ಒಪ್ಪಲು ನಿರಾಕರಿಸುವವರು ಮತ್ತೊಮ್ಮೆ
ಹೆಣ್ಣಿಗೆ ಜೀವ ಸೃಷ್ಟಿಸುವ ಶಕ್ತಿಯಿದೆ ಎಂಬರು
ಆದರೂ ಅಶಕ್ತಿಯನ್ನು ಹೊಂದಿರುವವಳು ಎಂಬರು
ಸನ್ಮಾನಿಸುವ ಮಾತುಗಳನ್ನು ಹೇಳುವವರು ಅವರೆ
ಆಗೌರವದಿಂದ ಹೆಣ್ಣನ್ನು ನೋಡುವವರು ಅವರೆ
ಸಂಪ್ರದಾಯದ ಚೌಕಟ್ಟಿನಲ್ಲಿ ಬೆಳೆಸುವವರು ಅವರೆ
ಸಂಪ್ರದಾಯವನ್ನು ಪಾಲಿಸದವಳು ಎನ್ನುವವರು ಅವರೆ
ತನ್ನ ಕನಸನ್ನು ನನಸಾಗಿಸದವಳು ಅವಳೆ
ಇತರರ ಕನಸನ್ನು ತನ್ನ ಕನಸೆಂದು ಬದುಕಿರುವವಳು ಅವಳೆ
ಸೌಮ್ಯ ಟಿ.ಎಸ್., ಎಂ.ಎ. ದ್ವಿತೀಯ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ