ಸಂಚಿಕೆ - ೨೧

ಕೆಚ್ಚೆದೆಯ ವೀರ

ಢವ ಢವ ಸದ್ದಿನ ಆ ಸ್ಥಳದಲ್ಲಿ 

ಬಿಸಿ ರಕ್ತದ ಧೀರ ಎದೆಯೊಡ್ಡಿರುವನು 

ದೇಶ ರಕ್ಷಣೆಯ ದಿಟ್ಟ ನಿಲುವಿನಲ್ಲಿ 

ಹಗಲು-ರಾತ್ರಿ ಶ್ರಮಿಸುತಿರುವನು

ತನ್ನ ಹಿತವ ತ್ಯಾಗ ಮಾಡಿ 

ಪರರ ಹಿತವ ಕಾಯುವ 

ದೇಶವೇ ಸರ್ವಸ್ವ ಎನುವ 

ವೀರನಿಗಿದೋ ಕೋಟಿ ಕೋಟಿ ನಮನ

ಬಟ್ಟ ಬಯಲಿನಲ್ಲಿ ಬಿಸಿಲ ಬೇಗೆಗೆ 

ಹಿಮ ಪ್ರದೇಶದಲ್ಲಿ ಕೊರೆವ ಚಳಿಗೆ 

ಹಸಿದ ಹೊಟ್ಟೆಯ ಕಟ್ಟಿಕೊಂಡು 

ಕಾಯುವನು ದೇಶವ ತನ್ನ ಕಾಯಕವೆಂದು

ಯುದ್ದ ಕರೆಗೆ ಓಗೊಟ್ಟು 

ತನ್ನ ಸಂಸಾರವನ್ನು ಬಿಟ್ಟು 

ಮರಳುವ ಕೆಚ್ಚೆದೆಯ ಧೀರ 

ಸದೆಬಡಿವನು ಅರಿಯನ್ನು ತನ್ನ ರಾಷ್ಟ್ರಕ್ಕಾಗಿ

ಮದ್ದು ಗುಂಡುಗಳ ಆರ್ಭಟವಿರಲಿ 

ಕೆಂಡ ಬೆಂಕಿಯ ಮಳೆಯಿರಲಿ 

ಬಯಸುವನೀತ ಸುಖ-ಶಾಂತಿಯನು 

ಭಾರತಾಂಬೆಯ ಭವ್ಯ ಮಡಿಲನ್ನು

ಬಿಂದ್ಯಾ ಕೆ.ಎಂ., ಎಂ.ಎಸ್.ಸಿ. ದ್ವಿತೀಯ ವರ್ಷ