ಸಂಚಿಕೆ - ೧೯

ಕೊನೆಯ ಗಿರಾಕಿ

ಆಳುವವರ ಕಾಲವದು 

ಬಲಿಯಾದ ಬಡವರದು 

ಹೆಚ್ಚುವರಿ ಗೇಣಿಗಾಗಿ ಶುರುವಾದ ಕಥೆಯಿದು 

ಆಸರೆಯಾಗದ ಗಂಡು ಮಕ್ಕಳು 

ಹರೆಯದ ಹೆಣ್ಣುಮಗಳು 

ಹಸಿವಿಗಾಗಿ ಬೀದಿಗಿಳಿದ ಕುಟುಂಬವದು

ಅರಿಯದ ವಯಸ್ಸದು 

ದೊರೆತ ಒಲವದು 

ಆಸರೆಯಾಗಬಹುದೆಂಬ ಆಲಿಂಘನವದು 

ತೊರೆದು ತನ್ನವರನು 

ನಂಬಿ ಹೊರಟಳು 

ಅರಿಯದ ಊರಲಿ ತಬ್ಬಲಿಯಾದಳು

ಹಸಿವಿನ ಬೇಗೆಗೆ 

ಕೆಂಗಣ್ಣು ಬಿದ್ದಿತೆ 

ಅವಳ ಬದುಕಾಯ್ತು ಮಾರುಕಟ್ಟೆ 

ಪುರುಷರ ಕಾಮವೊ 

ಅವಳ ಕಷ್ಟವೊ 

ಯಾರು ಅರಿಯದ ಅವಳ ಒಡಲ ಬೆಗೆಯೋ

ಮಾತುಗಳು ಮೌನ 

ಪರಿಸ್ಥಿತಿಯು ಕ್ರೂರ 

ಸಮಾಜದ ತುಳಿತಕ್ಕೆ ಸಿಕ್ಕು ಒದ್ದಾಡಿತು ಜೀವ 

ದೇಹ ತಿನ್ನಲು ಕಿತ್ತು 

ಹದ್ದೊಂದು ಕಾದಿತ್ತು 

ಹೊಂಚು ಹಾಕಿ ಅದುವೇ ಕೊನೆಯ ಗಿರಾಕಿ

(ನಿರಂಜನ ಅವರ 'ಕೊನೆಯ ಗಿರಾಕಿ' ಎಂಬ ಸಣ್ಣ ಕಥೆಯನ್ನು ಆದರಿಸಿ ಇದನ್ನು ಬರೆದಿದ್ದೇನೆ.)

ಸುಜಾತಾ ಗಿ ಪೂಜೇರ, ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ