ಸಂಚಿಕೆ - ೦೧

 ಪ್ರೇಮ ಖೈದಿ

ನಿನ್ನ ರೂಪದ ನೆನಪಿನ 

ಸ್ವರೂಪದ ನೀಲಾಂಜನಕ್ಕೆ 

ನಾ ಸೋತಂತಿದೆ ನಿನ್ನ ನಿಲುವಿನ 

ನಿರಾಳತೆಯನ್ನು ಕಾಣಲು 

ನಾ ಪ್ರೇಮಕೈದಿಯಾದಂತೆ....

ನನ್ನ ಭಾವನೆಗಳ ಭೂಮಿಯಲ್ಲಿ 

ನಿನ್ನ ಅಂದವು ಗಂಧದ 

ಸುಗಂಧದಂತೆ ಸವಿಯಾಗಿ ಸೇರಲು 

ನನ್ನೊಳಗಿನ ಮನಸ್ಸಿಗೆ ನಿನ್ನ ಸ್ವಾಗತಕ್ಕೆ 

ನಾ ಪ್ರೇಮಕೈದಿಯಾದಂತೆ....

ಎಲ್ಲೋ ಇರುವಂತಿದೆ ನಿನ್ನ 

ರೂಪದ ಸೊಗಡು ಮತ್ತೆ 

ಬರುವಂತಿದೆ ನಾ ನಿನ್ನಲ್ಲಿಗೆ 

ನಿನ್ನ ಮಾತುಗಳು ಕೇಳಿಸಿಕೊಳ್ಳಲು 

ನಾ ಪ್ರೇಮಕೈದಿಯಾದಂತೆ....

ನಿನ್ನ ಬಯಕೆಗಳಿಗೆ ಬಹುಮಾನವಾಗಿ 

ನಾ ಸಿಗಲು ಈ ಪೂರ್ಣ ಜೀವನದ 

ಪರಿಪೂರ್ಣತೆಯನ್ನು ಪ್ರೀತಿ ಎಂಬ 

ಪದವಿ ಕೊಟ್ಟು ಪೂರೈಸಲು 

ನಾ ಪ್ರೇಮಕೈದಿಯಾದಂತೆ....

ನನ್ನ ಮನಸ್ಸಿನ ಸತಿ ನೀನಿರಲು 

ನಿನ್ನ ಕನಸಿನ ಪತಿ ನಾನಾಗಲು 

ನಾ ಪ್ರೇಮಿಯಾದಂತೆ.....

ಮಲ್ಲಿಕಾರ್ಜುನ ಹ ಕೆರೂಡಿ, ಎಂ.ಎಸ್.ಸಿ. ಭೂಗೋಳಶಾಸ್ತ್ರ