ಸಂಚಿಕೆ - ೧೩

ಬದುಕು

     ಬದುಕು ಎಂದರೆ ಒಂದು ಸುಂದರವಾದ ಅಥವಾ ಅರ್ಥಪೂರ್ಣವಾದ ಪ್ರಯಾಣ. ನಮ್ಮ ಜೀವನದಲ್ಲಿ ಆಗುಹೋಗುಗಳನ್ನು ಎದುರಿಸಿಕೊಂಡು ಹೋಗುವುದೇ ಬದುಕು. ಪ್ರತಿಯೊಬ್ಬರಿಗೆ ಒಂದೇ ತರಹದ ಬದುಕು ಇರುವುದಿಲ್ಲ. ಗೆಲುವು ಇರಬಹುದು ಸೋಲು ಕೂಡ ಇರಬಹುದು. ಅದನ್ನು ಧೈರ್ಯದಿಂದ ಎದುರಿಸಿ ಬದುಕಬೇಕು. ನಮ್ಮ ಬದುಕಿನಲ್ಲಿ ನಾವು ಗೆದ್ದು ಇನ್ನೊಬ್ಬರು ಬದುಕುವುದು ಹೇಗೆ ಎನ್ನುವುದನ್ನು ತಿಳಿಸುವುದೇ ಬದುಕು. ಬದುಕಿನಲ್ಲಿ ಪ್ರತಿ ದಿನ, ಪ್ರತಿ ಗಂಟೆ, ಪ್ರತಿ ನಿಮಿಷ ಕೂಡ ಇಲ್ಲಿ ಅಮೂಲ್ಯವಾದದ್ದು. ಇಲ್ಲಿ ಯಾವುದೂ ಕೂಡ ಹಿಂತಿರುಗಿ ಬರುವುದಿಲ್ಲ. ಒಮ್ಮೆ ಕಳೆದರೆ ಹೋಯಿತು. ಆದ್ದರಿಂದ ಪ್ರತಿಕ್ಷಣದ ಬದುಕು ಅಮೂಲ್ಯವಾದದ್ದು. ಹೀಗೆ ನಮ್ಮ ಬದುಕು ಅನಿಶ್ಚಿತ ಕೂಡ. ಮುಂದಿನ ಬದುಕು ಏನೆಂದು ಯಾರಿಗೂ ತಿಳಿಯದು, ಬದುಕಿನಲ್ಲಿ ಎಲ್ಲಾ ತರಹದ ಕಷ್ಟ, ನೋವು, ನಲಿವು ಎಲ್ಲವೂ ಕೂಡ ಎಲ್ಲರಿಗೂ ಇದೆ. ಆದರೆ ಅವುಗಳ ಮಧ್ಯೆ ಸಂತೋಷದಿಂದ ಬದುಕಬೇಕು.

ಪ್ರೇಮಾವತಿ, ಎಂ.ಎ. ದ್ವಿತೀಯ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ