ಸಂಚಿಕೆ - ೧೩

ಕತ್ತಲ ಕನ್ನಡಿ

ಜಗತ್ತು ಕಣ್ಣು ಮುಚ್ಚಿದಾಗ 

ಮನಸ್ಸು ಕಣ್ಣು ಬಿಡುತ್ತದೆ 

ಹಗಲಿನ ಅಬ್ಬರಕ್ಕೆ ಅಡಗಿದ್ದ ನೋವು 

ನಡುರಾತ್ರಿ ಮೆಲ್ಲಗೆ ಮೈಮುರಿಯುತ್ತದೆ

ಬೀದಿ ದೀಪದ ಮಂದ ಬೆಳಕಲಿ 

ನೆರಳು ಕೂಡ ಸಾಥ್ ನೀಡುವುದು 

ಒಂಟಿ ಪಯಣದ ಹಾದಿಯಲಿ, 

ಮೌನಕ್ಕಿಂತ ದೊಡ್ಡ ಮಾತಿಲ್ಲವದು

ಕನಸುಗಳ ಸಂತೆ ಮುಗಿದ ಮೇಲೆ 

ವಾಸ್ತವದ ಮುಖ ದರ್ಶನ 

ನಕ್ಷತ್ರಗಳ ಸಾಕ್ಷಿಯಲಿ ನಡೆಯುವುದು 

ನಮ್ಮೊಳಗಿನ ನಮ್ಮವೇ ದರ್ಶನ

ನಿದ್ರೆಯ ಕದ ತಟ್ಟುವ ಮುನ್ನ 

ಭಾವನೆಗಳ ಅಲೆಗೆ ಮಣಿಯಲೇಬೇಕು 

ನಡುರಾತ್ರಿಯ ಈ ಏಕಾಂತದಲಿ 

ನಮ್ಮನ್ನು ನಾವೇ ಅಪ್ಪಿಕೊಳ್ಳಬೇಕು..

ಮರಿಯಮತ್ ಮಿಸ್ಬಾ, ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ