ಸಂಚಿಕೆ - ೧೨

ತರಗತಿಯಲಿ ತೂಗಡಿಕೆ.

ನಿದ್ದೆಗೆ ಬುದ್ದಿಯೇ ಇಲ್ಲ 

ಕದ್ದು ಕದ್ದು ಬಂದೊಗುವುದು 

ಒದ್ದೆ ಮುಖ ಮಾಡಿದರೂ 

ಇದ್ದಲ್ಲಿಯೆ ಬಂದು ಕರೆಯುವುದು

ಬಿದ್ದೇ ಬಿಟ್ಟೆ ಬೆಂಚಿನ ಮೇಲೆ ಎಲ್ಲಾರೂ ಹೀಗೆಯೆ ಎಂದು 

ಸುತ್ತ ನೋಡಿದರೆ ಸಾಹಸದಿ ತೆರೆಯುವರೆಲ್ಲರೂ ಕಣ್ಣು 

ತರಗತಿಗೆ ಪ್ರಾಧ್ಯಾಪಕರು ಬಂದುದೊಂದೆ ನೆನಪು 

ಮತ್ತವರು ಹೋಗುವಾಗಲೇ ಎಚ್ಚರವಾಗಿ ಕಾಣುವ ಬೆಳಕು

ತಿರುಗುವ ಪ್ಯಾನು ಮಲಗೊ ಮಲಗೆಂದು ಜೊ ಹಾಡುತಿವೆ 

ಕಿಟಕಿಯ ತಂಗಾಳಿಗೆ ಹಾರಾಡೊ ಕ್ಯಾಲೆಂಡರಿನಂತೆಯೆ 

ತೂಗಡಿಕೆಯಲ್ಲಿ ಎಲ್ಲಾರೂ ತೇಲಾಡುತಿರುವರಾದರೂ 

ಆ ಹಲಗೆಯು ಯಕೋ ನನ್ನೊಡಿಯೆ ನಗುವಂತಿದೆ

ತಿಳಿಯದ ಛಂದಸ್ಸು ಪಿರಾಮಿಡ್ಡಿನಂತೆ ಕಂಡರೆ 

ಬರೆಯದಾ ವರದಿಯು ಬರೀ ಬೈಸುತ್ತಲೇ ಇದೆ 

ಗಾರ್ಗಿ ಕಾತ್ಯಾಯಿನಿ ಸಿದ್ದಾಂತಗಳು ನಿಲ್ಲದೆ ಸಾಗಿ 

ಎಲ್ಲವೂ ಗದೆ ಹಿಡಿದು ನಿಂತಂತೆ ಸಾಹಸ ಭೀಮನ ಹಾಗೆ

ಬಿಸಿಲಿತ್ತು ಮಳೆಯಾಯ್ತು ಚಳಿಯಿತ್ತು ಶಖೆಯಾಯ್ತು 

ಹಸಿರಿದೆ ಉಸಿರಿದೆ ಗೆಳೆತನದ ಸವಿ ನೆನಪಿದೆ 

ಮುನಿಸಿದೆ ಮನಸಿದೆ ಮನಸಲ್ಲೆ ಸ್ನೇಹದ ಪ್ರೀತಿ ಇದೆ 

ಮರಳವೀ ದಿನ ಮುಂದೆ ಎಂದೆನಗೆ ತಿಳಿದೂ ಇದೆ

ಮರಿಸಿದ್ದಪ್ಪ, ಎಂ.ಎ. ದ್ವಿತೀಯ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ