ಊರ - ಹಾದಿ
ಊರ ಪಯಣವಿದು ಸಿಕ್ಕಿತೇನು ಗುರುತು!
ಊರಿನದೋ? ನನ್ನದೋ?
ಡಾಂಬರು ರಸ್ತೆ ಮಣ್ಣಿನ ದಾರಿಯಾಯಿತು...
ಸ್ಥಿತವಾಯಿತು ನನ್ನ ಪ್ರಜ್ಞೆ!
ರಸ್ತೆ ಮಧ್ಯ, ಎಡ ಬಲದಿ ಹಸಿರ ಹೊನ್ನ ಗದ್ದೆ
ಉಳಿದ ಜಾಗ ನನಗೆ ಸ್ವಂತ ಎಂಬಂತೆ
ಬೆಳೆದ ಜಾಲಿ ಮುಳ್ಳು.
ಪ್ರಾಯಶ ಬಂದಿತೇನೋ ನನ್ನ ಊರು
ಜಾತ್ರೆಗೆ ಬಿದ್ದಿವೆ ಬಣ್ಣ ಬಣ್ಣದ ಪ್ಲೆಕ್ಸ್‌ಗಳು
ಪ್ರತಿ ಮನೆಗೂ ತಂಪು,
ಎರೆವ ಬೇವಿನ ಮರಗಳು.
ಹುಟ್ಟುವುದೇ ಊರು,
ಬಿಟ್ಟು ಕಟ್ಟುವುದೇ ಜೀವನ.
ಹಡೆದವ್ವನ ಹೊಟ್ಟೆ ಬಿಟ್ಟು,
ಮಲತಾಯಿ ಮಡಿಲ ಸೇರಿ
ನಮ್ಮ ಊರಿಗೆ ನಾವೇ ಅತಿಥಿ ಆದೆವು
ಪರಶುರಾಮ್, ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ