ಸಂಚಿಕೆ - ೦೯

ನಿತ್ಯೋತ್ಸವ

ಇದು ನಿತ್ಯದ ಉತ್ಸವ 

ಇದೇ ನಿತ್ಯದ ವಾಸ್ತವ 

ಸ್ವಾರ್ಥವಿಲ್ಲದ ತನ್ನದೆನ್ನದೆ 

ಭಯದ ಭಕ್ತಿಯ ಮಾಡದೆ 

ಸತ್ಯ ಅರಿಯದೆ ನಿಜವ ನುಡಿಯದೆ 

ಮಾತು ಮಾತಿಗು ತಲೆ ತೂಗಿದೆ 

ಇದು ನಿತ್ಯದ ಉತ್ಸವ 

ಇದೇ ನಿತ್ಯದ ವಾಸ್ತವ ॥೧॥

ದೇವನಿಲ್ಲ ದೇವನೆಲ್ಲ 

ಎಂಬ ಎರಡು ಬಣಗಳು 

ಇವರು ಅವರನು ಅವರು ಇವರನು 

ಕಂಡು ಕಾಣದ ನರಿಗಳು 

ಇದು ನಿತ್ಯದ ಉತ್ಸವ 

ಇದೇ ನಿತ್ಯದ ವಾಸ್ತವ ॥೨॥

ದ್ವೇಷ ದ್ವೇಷದಿ ಸಮರಸಾರುತ 

ತನ್ನದೇ ಸರಿಯೆನ್ನುತಾ 

ನಿತ್ಯ ನೂತನ ಜಗವ ಬಯಸುತ 

ಎಳೆಯ ಮನಗಳ ಕೊಲ್ಲುತಾ 

ಇದು ನಿತ್ಯದ ಉತ್ಸವ 

ಇದೇ ನಿತ್ಯದ ವಾಸ್ತವ ॥೩॥

ಸರ್ವರೊಳು ಒಂದಾಗಿ 

ಸರ್ವವು ತನದಾದರೇ 

ಸರ್ವೇಶ್ವರನಿಗೂ ಮೆಚ್ಚುಗೆಯಾಗುವೇ 

ಇಲ್ಲವಾದರೆ ತಿಪ್ಪೆಗುಂಡಿಯ ಗೊಚ್ಚೆಯಾಗುವೆ 

ಇದು ನಿತ್ಯದ ಉತ್ಸವ 

ಇದೇ ನಿತ್ಯದ ವಾಸ್ತವ ॥೪॥

ದುಶ್ಯಂತ್, ಎಂ.ಎ. ದ್ವಿತೀಯ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ