ಸಂಚಿಕೆ - ೦೪

ಕನಸು

ಕನಸುಗಳು ನಿದ್ದೆಯಲಿ ಕಾಣುವವಲ್ಲ 

ನಿದ್ದೆಯನೇ ಮರೆಸುವವು

ಇಲ್ಲೊಂದು ಪುಟ್ಟ ಹಕ್ಕಿ 

ಮರಿ ರೆಕ್ಕೆಗಳ ಬಿಚ್ಚಿ 

ಹೊರಟಿತ್ತು ಕನಸುಗಳ ಬೆನ್ನೇರಿ

ಸ್ವಚ್ಛಂದ ನೀಲಿ ಆಗಸದಿ ಹಾರಿ 

ಪರ್ವತ ಶಿಖರಗಳೆತ್ತರ ಮೀರಿ 

ಬಾನಂಚಿನ ಮೋಡಗಳ ನಡುವೆ 

ಸಾಗಿತ್ತು ಗುರಿಯೆಡೆಗೆ ಪಯಣ

ಕಣ್ಣುಂಬ ಕನಸುಗಳು 

ಕಣೋಟ ಕೋಲ್ಕಿಂಚು 

ಗಿರಿ ಸಾಗರಗಳ ದಾಟಿ 

ತನಗೆ ತಾನೇ ಸರಿಸಾಟಿ 

ಸಾಗಿತ್ತು ಗುರಿಯೆಡೆಗೆ ಪಯಣ

ಕಾದಿಹರು ಹೊಂಚು ಹಾಕುವ ಜನ 

ಸಂಚು ರೂಪಿಸಿ 

ಬಂಧಿಸಲು ಹಕ್ಕಿಯನು ಪಂಜರದಿ 

ಹಾರುವ ಹಕ್ಕಿಗೆ ಮಾತ್ರ ಕಲಿಸಲು 

ಹಾರುವುದನ್ನೇ ಮರೆಸಲು..

ದಿವ್ಯಶ್ರೀ, ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ