ಸಂಚಿಕೆ - ೦೪

ಮುಸ್ಸಂಜೆಯ ಪಯಣ

ಮುಸ್ಸಂಜೆಯ ವೇಳೆಯಲಿ 

ಸುಮ್ಮನೆ ನಾ ಸುತ್ತಾಡಲೆಂದು.

ಹಾದಿಯಲಿ ಕಾಲಿಟ್ಟು 

ಚಲಿಸುತ್ತಿದ್ದೆ ನಾನಂದು..

ಸೂರ್ಯನ ಕಿರಣಗಳು 

ಸ್ಪರ್ಶಿಸಿತು ನನ್ನ ದೇಹವನು. 

ಸಂಜೆಯ ಹೊತ್ತಿನ ಹೂ ಬಿಸಿಲು 

ನಡೆವ ಹಾದಿಗೆ ಕೊಡುತಿತ್ತು ಶೋಭೆಯನು..

ಹೆಜ್ಜೆ ಹಾಕಿದೆ ಮೆಲ್ಲ – ಮೆಲ್ಲನೆ 

ಮನ ಸೆಳೆಯುವ ಬೆಟ್ಟದ ಸಾಲುಗಳು.

ಸೂಕ್ಷ್ಮವಾಗಿ ಗಮನಿಸಿದಾಗ 

ಕಾಣಿಸಿತು ಹಚ್ಚ ಹಸುರಿನ ಅರಣ್ಯಗಳು..

ಗೂಡನು ಸೇರುವ ಸಮಯದಲಿ 

ಹಕ್ಕಿಗಳ ಚಿಲಿಪಿಲಿ ನಾದ ಕೇಳುತ್ತಾ. 

ಬೀಸುವ ತಂಪಾದ ಗಾಳಿಯಲಿ

ಸ್ವಚ್ಚ ಪರಿಸರವ ಆನಂದಿಸುತ್ತಾ..

ಸುತ್ತಲೂ ತುಸು ಹೊತ್ತು ವೀಕ್ಷಿಸಿದೆ 

ರವಿಯು ಮುಳುಗಿ ಆಗಿತ್ತು 

ಕತ್ತಲೆಯು ಇದೆಲ್ಲದರ ಉತ್ತಮ ಅನುಭವದೊಡನೆ ಕಳೆಯಿತು 

ಆ ಸೊಗಸಾದ ಮುಸ್ಸಂಜೆಯು...

ನೇತ್ರಾವತಿ, ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ