ನಾನೆಂದರೆ ಇಷ್ಟೇ
ನೀಲ ಮಾಯೆಯ ನಿತ್ಯರ್ಥ
ನಿರ್ವಾತ ಮೇಘ ಸಂಘರ್ಷಗಳ ಸಮ್ಮಿಲನದಲಿ
ಶುದ್ಧತೆಗಳ ಪ್ರಥಮದಲಿ ಪೃಥ್ವಿಯ ಸ್ಪರ್ಶಿಸುವೆ
ನಾನೆಂದರೆ ಇಷ್ಟೇ
ರೆಂಬೆ ಕೊಂಬೆಯಂತೆ ಪ್ರೀತಿ ಪ್ರೇಮಗಳು
ಎಂದೂ, ಹೇಗೆ ಮುರಿದು ಬೀಳುವೆವೋ?
ಈ ಸಂಬಂಧಗಳ ವಿಮುಕ್ತ ನಾ, ಹಚ್ಚ ಹಸಿರ ವಿಸ್ತಾರ
ನಾ ನಾನೆಂದರೆ ಇಷ್ಟೇ
ಹುಡುಕಿ ಹುಡುಕಿ ಸ್ಥಾನ ಪಲ್ಲಟಗಳಿಗೆ ಸೂರ್ತಿ ನಾ.
ಕೊನೆಯಿರದ ರಸ್ತೆ, ಬೋರ್ಡಿರದ ಬಸ್ಸು
ಜನಗಳಿರದ ವಸತಿ, ಆತ್ಮವಲೋಕನವೇ ಕಸೂತಿ
ನಾನೆಂದರೆ ಇಷ್ಟೇ
ನಿತ್ಯ ಪಥದಲಿ ನೀ ನಿನಗೆ ನೂರು ಕವಲುದಾರಿ
ಮಿಥ್ಯ ವರ್ಣದಲಿ ನಾ ನನಗೆ ಪ್ರೇಮಧಾರಿ
ಬದುಕ ಭಯವು ಯುಗದ ಯುದ್ಧಕಾಂಡ
ನಾನೆಂದರೆ ಇಷ್ಟೇ
ಪರಶುರಾಮ್, ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ