ಸಂಚಿಕೆ - ೦೩

ಸಣ್ಣ ಪಯಣ

ಮುಗಿಯಿತು ಪದವಿ ಎಂಬ ಸಣ್ಣ ಪಯಣ 

ಹೇಗೆ ತೀರಿಸುವುದು ಕಾಲೇಜಿನ ಋಣ ? 

ಮುಂದೆ ಏನು ಮಾಡೋಣ 

ಮೊದಲೇ ಯಾರಿಗೂ ಹೇಳಬೇಡ ಎನ್ನುವ ಮನ.

ನನಗೂ ತಿಳಿದಿಲ್ಲ ನಾನೇಕೆ ಈಗ ಮೌನ 

ಯೋಚನೆಯಲ್ಲಿಯೇ ಹೆಚ್ಚು ಕಾಲ ಹರಣ. 

ಇನ್ನಷ್ಟೇ ಶುರುವಾಗಲಿದೇ ಹೊಸ ಯಾನ 

ಯಾವಾಗ ಮುಟ್ಟುವುದೋ ಗುರಿ ಎಂಬ ಗಗನ.

ಈಗಲೇ ಮಂಜಾಯಿತು ಎರಡು ನಯನ 

ಚಿಂತಿಸಿ ಕುಳಿತರೆ ಹೇಗೆ ಮುಂದಿನ ಜೀವನ ? 

ದೊಡ್ಡ ದೊಡ್ಡ ಕನಸುಗಳು ಜೋಪಾನ 

ಹೇಗಿದೆ ನನ್ನ ಪುಟ್ಟ ಕವನ.

ಬಿ ವಿಖ್ಯಾತ್, ಎಂ.ಎ. ಪ್ರಥಮ ವರ್ಷ, ರಾಜ್ಯಶಾಸ್ತ್ರ ವಿಭಾಗ