ಸಂಚಿಕೆ - ೦೧

 ಅಪ್ಪನ ಅರಗಿಣಿ

ಅಪ್ಪನೆಂದರೆ ಮುಗಿಲೆತ್ತರದ ವೃಕ್ಷವಂತೆ 

ನಾ ಬದುಕಿದೆ ಆ ವೃಕ್ಷದ ನೆರಳಿನಂತೆ 

ಎನಗೆ ನೆರಳಾದವನು ಅವನಂತೆ 

ಅವನಿಂದಲೇ ಎನ್ನ ಬದುಕು ಅರಳಿದಂತೆ

ನಾ ಆತನ ಅರಗಿಣಿ ಎಂದವನು 

ಅರಗಿಣಿಗೆ ನೆರಳಾಗಿ ಉಳಿದನಂತೆ

ಆತನ ಮಾತು ಎನ್ನ ಕಿವಿಯಲ್ಲಿರಲು  

ಆತನ ನೋಟ ಎನ್ನ ಕಣ್ಣಂಚಲ್ಲಿ ನುಸುಳಿರಲು 

ಬಲು ಕೋಪಿಷ್ಟನಂತೆ 

ಆತನ ಕೋಪವೆ ಎನ್ನ ಕೆಡದೆ ಉಳಿಸಿದಂತೆ

ನೀ ಏನೇ ಹೇಳಲಂತೆ ನಾ ತಲೆ ತಗ್ಗಿ ಕೇಳುವೆನಂತೆ 

ಏಕೆ ಎನ್ನುವೆಯಂತೆ 

ಏನೆಂದು ಹೇಳಲಯ್ಯ 

ಈ ದೇಹವೇ ನಿನ್ನ ಭಿಕ್ಷೆ ಅಯ್ಯ

ನಾ ಉಟ್ಟ ಬಟ್ಟೆ ನಿನ್ನದಂತೆ 

ನಾ ತೊಟ್ಟ ಚಪ್ಪಲಿ ನಿನ್ನದಂತೆ 

ನಾ ತೊಟ್ಟ ವಸ್ತುವೆಲ್ಲ ನಿನ್ನದಂತೆ

ನಾ ಆ ಭಿಕ್ಷೆಯನ್ನು ತೊಟ್ಟ ನಿನ್ನ ಅರಗಿಣಿಯಂತೆ 

ನೀ ಪಟ್ಟ ಶ್ರಮದ ಕೂಲಿ ನಾ ಉಂಡೆನಂತೆ 

ನೀ ಪಟ್ಟ ಶ್ರಮದಲಿ ನಾ ಬದುಕಿದೆನಂತೆ  

ಇನ್ನಾದರೂ ಸುಮ್ಮನಿರುವೆಯಾ 

ಈ ಅರಗಿಣಿಯ ಮರಿಯಂತೆ 

ನಿನ್ನ ಬೆಚ್ಚಗೆ ಇಡುವೆನಂತೆ 

ನೀ ಕೊಟ್ಟ ಬದುಕೇ ನಿನ್ನದಂತೆ

ದಿವ್ಯಶ್ರೀ. ಎ., ಎಂ.ಎ. ಪ್ರಥಮ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ