ಸಂಚಿಕೆ - ೦೧

 ನಾ ಕಂಡ ಕರ್ಣ......

ಕರ್ಣ ನಿಜವಾದ ನಾಯಕ ಸರಿ, ಆದರೆ ನಾಯಕ ಯಾರಿಗೂ ತನ್ನನ್ನು ಅರ್ಪಿಸಿಕೊಳ್ಳಬಾರದು.

ಕರ್ಣ ತನ್ನ ಗೆಳೆಯನ ಗೆಳೆತನಕ್ಕೆ ದ್ರೋಹ ಮಾಡದೆ ಇದ್ದ ಸರಿ.

ಆದರೆ ಇಡೀ ಸಮಾಜಕ್ಕೆ ದ್ರೋಹ ಮಾಡಿದ.

ಕರ್ಣ ಒಬ್ಬ ಶ್ರೇಷ್ಠ ಬಿಲ್ಲುಗಾರ ಸರಿ, ಆದರೆ ಆ ವಿದ್ಯೆಯನ್ನು ಅಧರ್ಮದ ಮಾರ್ಗದಿಂದ ಪಡೆದ.

ಕರ್ಣನಿಗೆ ತುಂಬಾ ಅನ್ಯಾಯ ಆಗಿದೆ ಸರಿ, ಆದರೆ ದುರ್ಯೋಧನ ಅವನಿಗೆ ಎಷ್ಟು ನ್ಯಾಯ ಕೊಡಿಸಿದ.

ಕರ್ಣ ಕ್ಷತ್ರಿಯನಾಗಿದ್ದರೂ ಸೂತನಾಗಿ ಬದುಕಬೇಕಾಯಿತು ಸರಿ, ಆದರೆ ಸೂತ ಅನ್ನೋದು ಕೀಳು ಜಾತಿ ಎಂದು ತಾನು ಯಾಕೆ ನೋವು ಅನುಭವಿಸಬೇಕು. ತನ್ನಲಿರೋ ಜ್ಞಾನ, ಬಲದಿಂದ ಸೂತರನ್ನು ಉತ್ತಮ ಮಾಡೋ ಯಾವ ಪ್ರಯತ್ನವನ್ನೂ ಮಾಡಲಿಲ್ಲ.

ಕರ್ಣನಿಗೆ ಕೃಷ್ಣ ಜನ್ಮ ರಹಸ್ಯವನ್ನು ಕೊನೆ ಕಾಲಕ್ಕೆ ಹೇಳಿದ ಸರಿ,

ಆದರೆ ಮೊದಲೇ ಹೇಳಿದ್ದರೆ ಕರ್ಣ ಏನು ಮಾಡುತ್ತಿದ್ದ? ತನ್ನ ಸ್ನೇಹಿತನನ್ನು ಬಿಟ್ಟು ಬರುತ್ತಿದ್ದನೇ? ಇಲ್ಲ.....

ನನ್ನ ಕಲ್ಪನೆಯಲ್ಲಿ ಮಹಾಭಾರತದಲ್ಲಿ ಕರ್ಣನ ಪಾತ್ರದಲ್ಲಿ ಕಂಡುಬಂದ ಚಿಕ್ಕ ತಪ್ಪುಗಳು.

ತಪ್ಪು ಏನೋ ಚಿಕ್ಕದೆ, ಆದರೆ ಅದರ ಪರಿಣಾಮ ತುಂಬಾ ದೊಡ್ಡದು.

ಈ ತಪ್ಪುಗಳ ಹೊರತಾಗಿ ನೋಡಿದರೆ, ಕರ್ಣ ಮಹಾನ್ ಯೋಧ.

ಅರ್ಜುನ ಕರ್ಣನನ್ನು ಸೋಲಿಸೋದು ಅಸಾಧ್ಯ.

ಕರ್ಣನಿಂದ ಅರ್ಜುನ ಸಾಯುವನು ಎನ್ನೋ ಭಯ ಸ್ವತಃ ಕೃಷ್ಣನಿಗೂ ಇತ್ತು. ಆದ್ದರಿಂದ ಕರ್ಣನನ್ನು ಸಾಯಿಸಲು ಕೃಷ್ಣ ಅಧರ್ಮದ ಮೂಲಕ ಪ್ರಯತ್ನಿಸಿದ್ದು.

ಎಸ್.ಎಸ್.ವಿ. ಜಗದೀಶ, ಎಂ.ಎ. ದ್ವಿತೀಯ ವರ್ಷ, ಎಸ್.ವಿ.ಪಿ. ಕನ್ನಡ ವಿಭಾಗ